MILAN AADHA ADHURA THA..........

pehli march ke baad se mere shehar me vasant pure joro se har ped har paudhe pe apna aseem prem luta rha tha. har kali khilne ko betaab thi. har bhawre ka dil machal rha tha. bhala machalta bhi kyu na 4 mahine ki kadake ki thand ke baad kohre ki ghani chadro ke din b din aahiste aahiste gayab par har paudha jeevant ho rha tha. har nar apne liye ek upyukta maada ki talaash me naye naye paitre dikhate ek dusre ko rijhane ki koshish kar rhe the.
mai ab bhi akela ek adad humrahi ki talaash me the. shayad apne adhurepan ke liye ek upyukta jode ki talaash me tha.
kahte hai ki har kisi ke liye kahi na kahi koi na koi bana hai.jarurat hai to bas us ek shakhs ko pure dil se talaashne ki. par mai nikamma shayad ab bhi isi ummeed me tha ki koi to meri jindagi me aaye jo lage ki bas mere liye hi bani ho.par sab agar itna hi aasan hota to shayad har shakhs khushi ka jaama pahne apni apnni duniya me khushiyo ke geet gaata befikra bekhabar prem se rehta.par mera maanna aisa nhi tha mujhe pta tha ki khusi safalta jeet jaisi cheeje itni aasani se nhi aati. inke liye to badi keemat chukani padti hai. kabhi kabhi ye kimat itni badi hoti hai ki hum apni saari umra gawakar bhi iski bharpayi nhi kar paate hai. ek aisi hi keemat maine bhi ada ki thi. kisi ko chaahne ka shayad harjana bhar tha wo. ya yu keh le ki ye to bas uski chahat ke prati meri wafa thi ki bas ek 1 saal ke rishtey ki khaatir maine apne dil ke darwaaje kuchh yu band kar diye the ki us kamre me ab tak koi na aaya. par shayad ye tanhai ab kuchh hi dino ki mehmaan hai. mai chah kar bhi uski ore wafadar na reh saka. mere gharwalo ki jid ke saamne meri muhabbat haar gayi aur ab use khone ke 8-9 saal baad mai uske saare haq kisi aur ko dene jaa rha hu ya fir koi aur uski jagah lene ko aa rhi hai. par shayad mere dil ke us kone me aakhiri saas tak usi ka haq hoga. bas 2 hi din bache hai mere paas aur mai in 2 dino me har us lamhe ko jeena chahta hu jo maine uske saath,usse door rehke aur uski yaado me jiye the. shayad mujhe uski har yaad ab ek kahani ki tarah apne dil me chhupa kar rakhni hogi. ye kahani shayad 2 dino me puri ho jayegi aur fir shayad mujhe use bhula dena hoga apni dil se jehan se jindagi se nikaal dena hoga kyunki mai uski yaado me jeekar apni hone wali patni se doorie nhi bana sakta. us bekasoor ki kya khataa hai jo ye bhi nhi jaanti ki uska hone wala pati kisi ko itni siddat se pyar karta tha ki kisi aur ka hona hi nhi chahta tha.
Naa jaane wo hatho me mehandi lagaye kya kya sapne bun rahi hogi. suhaagraat ko leke kitni hi baate bhari hogi uski saheliyo ne uske kaano me. ye na karna wo na karna. us naadan ne to shayad bachchho ke naam bhi soch liye honge abtak. par kahi na kahi uske dil me bhi wo darr hoga jo shayad mere dil me hai kisi aur ko apni jindagi me ehmiyat dena. kisi ki khaatir bistar sajanaa. kisi aur ki khaatir sajna sawarna.
ye sab to maine bas usi se karwane ki ummed ki thi. wo haath jo aaj shayad kisi aur ke gale ka haar bana baitha hai kahi. wo naam jo har pal meri jubaa pe rehta tha. ateet ke aaino me jhankna itna saral bhi to nhi hota hai ki aap un haseen yaado ke sagar me gota lagaye aur bina palko ko bhigoye bahar nikal aaye. mai aankhe band kiye doob gya apne ateet ki gehraiyo me....
wo bhi march ka hi mahina tha. mai bada khush rha karta tha un dino. hota bhi kyu naa sapno ko par jo lag gye the. dosto ke saath masti clsses aur medical ka student hone ka gurur jo sawar tha mere sar pe. mai apni nayi bike pe dinbhar sehar ka chakkar lagaya karta tha. aur internal examzz ke baad aaj mai pehli baar apni bike se ghar jaane wala tha. sab kuchh tay tha. mai aur mere bhaiya apni apni bikes se jaane wale the. subah ke 3 bje hum dono ne apna safar suru kiya. 6 ghante ke lambe safar aur ek do padaw ke baad hum dono apne sehar giridih pahuche. shehar me pahuchte hi maano saari thakan door ho gayi. maine apni helmet utari aur use bike ke pichhe lagate hue bhai se baate kar rha tha tabhi achanak maine use dekha aur dekhte hi bola "wow kya maal hai" jo shayad usne sun liya tha. maine is baat ki parwah kiye bina us se uska naam puchha. shayad ye use pasand na aaya aur wo sharm se laal ho gayi. aur usne bas itna hi kaha ki mere bhaiya aa rhe hai unse puchh lena. maine bina kuch soche bike start ki aur waha se nikal liya. mujhe to is baat ki jara bhi khabar nhi thi ki humdono fir kahi milenge. mai ghar pahucha to dekha mere bade bhai sahab waha pahuch chuke the aur shayad unhone badi bhabhi ko sab bta diya tha.
bhabhi ne majak se kaha- kya baat hai ANAND ji.... bade naam puchhe jaa rhe hai aajkal?

sar ko jhukaye mai wahi chup chap khada rha...
fir bhabhi ne hi khaamoshi todte hue kaha- naam kya tha hume bhi bataiye??
mai tab bhi wahi khada tha fir maine bhai ki ore dekhte hue kaha ki - usne kaha mere bhai se puchh lena..fir kya tha maine bike start ki aur nikal liya...

bhabhi ne is baat ko majak me lete hue kaha- bada bhai thaanedaar aur chhote ko saare jaha se darr lagta hai..

baat yahi pe khatm ho jaati to shayad aaj ye kahani likhne ki naubat hi na aati.. thodi der baad mujhe is baat ka ehsaas hua ki maine apna ek mobile kho diya hai... mere to pran hi udd gaye. maine socha ye baat bas papa se chhup jaye. fir to bhabhi ko bol ke naya mobile kharidwa lunga. thakan se choor mai sone jaa rha tha. us se milne ke baad in saari baato me 2 ghante beet chuke the. mai bas sone hi wala tha ki achanak mere dusre mobile pe ek call aaya. mai khush hua aur udaas bhi. khush isliye ki wo no mera hi tha par udaas isliye ki is baat ki pusti ho chuki thi ki maine mobile kahi kho diya tha. maine phone recieve kiya..

saamne se ek pyari si aawaj-- hello mr. aapka naam kya hai?
mujhe laga wo mera naam puchh rhi hai but ye waakya keh kar usne meri ore isaara kiya tha.
taki si aawaj me maine jawab diya- ANAND... aap kaun??
saamne se jawab aaya-- mai wahi hu jis se aap naam puchh rhe the...
ye sunkar maano meri baachhe khil gayi..

fir maine apni aawaj me thodi kathorta laate hue kaha- aapko mera mobile kaha mila??
fir usne kaha- aap ameer log na jaane kaha kaha mobile girate chalte hai hume mila humne socha wapas kardu..
maine is pure haadse ko ek mauke ki tarah se dekha aur fir us se milne ki koshish karne me jut gya.

maine turant us se kaha- kya aap mujhe abhi mera mobile de sakti aap chahe to mai aapke ghar aake le sakta hu..

ghar!!!!!! pagal ho gaye ho kya??
mere bhai ne dekh liya to tere hath pair to tutenge hi; aur aur
ye sun kar maine kaha- aur kya aage bhi to kuchh kahiye
fir jhallla kar usne kaha-tu to pitega hisaath me mai bhi maari jaungi... agar fone chahiye to aaj shaam ko cafe house me 4 bje aa jaana mera bhai wahi pe khada hoga...ye kahte hue usne fone rakh diya....
----- shaam ke 4 bajne me abhi bhi 4-5 ghante baaki the to maine so jana hi thik samjha.----

mai bas sapno me khoya tha ki tabhi achanak fone ki ghanti baji..... maine aadhi neend se jaagte hue fone recieve kiya aur kaha abe yaar sone de baad me call kar liyo...nhi to mai kar lunga....

saamne se ek anjaani aawaj- duffer phone nhi lena tune kya apna??
thik hai soye raho mai jaa rhi hu apne bhai se bhijwa dungi.....thik hai ab rakh...
mai turant neend se jaagte hue use call kiya aur kaha ki mai bas 10 min me aata hu aap please wahi rehna......jaana nhi ...bas 10 min...
usne shayad muskurate hue kaha hoga- thik hai jaldi aa idiot...
mai to bas fir itni jaldi me tha ki fir kuchh dekha hi nhi kuchh socha hi nhi. bas bike uthayi aur chal pda...par tab tak 20 min se jyada ho chuke the,......
jaise taise mai waha pahucha..to dekha bahut sare log khade the...ladkiya bhi bahut sari thi use pehchan nhi paya.... ek pal ko to yu laga ki maano wo chali gayi.. mujhe apne fone ke jaane ka koi gam na tha bas afsoos tha to is baat ka ki mai us se mil na paya. aaj pehli baar mujhe apni jyada sone ki aadat pe gussa aa rha tha. mai bas mud ke jaane hi wala tha ki khyal aaya ki use call kar lu. jaise hi maine fone pe najar dali 6 miss call the. shayad usi ka call tha. achanak fone baj utha. mujhe khyal aaya kishayad usi ka fone hai. maine mud ke dekha to ek ladki jaani pehchani si dikh rhi thi.. mujhe dekhte hi wo muskurayi... fir jaise hi mai us ki ore kadam badhata usne hath me mera fone lete hue mujhe najarandaaj karne ki koshish karte hue cafe house ke andar chali gayi. ab aap soch rhe honge ye cafe house kya cheej hai to bta du aapko ki ye eklauti aisi jagah thi pure shehar me jaha lagbhag har aashiq apni premika ya mahila mitr se milne aata tha, par mai yaha shayad apna fone lene ke uddeshya se aaya tha. kahi na khi mujhe is baat ka darr tha ki koi dekh na le mujhe yaha aate hue. maine har dar ko darkinar karte hue andar jaane ka man bna liya. andar jaate hi usne meri pehchan ke liye mere hi fone se mujhe call kiya aur jab use is baat ki santushti ho gayi ki mai hi wo ladka hu usne mujhe baithne ka ishara kiya. mai uske bagal wali kursi par jakar baithne laga to usne mana karte hue kaha ki yaha meri bhai baithta hai. uske muh se ye sunte hi na jaane man me kaisi bijli kaundhi mai turant uth kar uske saamne waali kursi pe baith gya.
usne dheemi si aawaj me kaha- kuchh order to kar idiot
maine kaha- maine suna nhi aap kuchh keh rhi thi
usne thoda sa jhallate hue kaha- kuchh order karoge ya wo bhi mai hi karungi..
maine kaha - order aap hi kijiye bill mai de dunga
usne haste hue kaha- wo to tumhe hi dena padega warna mobile bech ke bill chukaungi mai..
maine wahi kaam karne wale ek ladke ko bula kar order diya.
thodi hi der me khana hamare table par tha. mai baat karne ki koshish kar rha tha par shayad kahi na kahi uske bhai se darr rha tha.
thodi der ki khaamoshi ke baad usne chuppi todte hue kaha- ye lo apna mobile aur mera pichha mat karna warna mere bhai ne dekh liye to juth muth me peet jaoge. aur haa treat ke liye thnx.
agar aur yaha ruki to sabko lagega ki mai teru girlfriend hu.
mai na use jaane se rok sakta tha aur na hi kuch aur keh sakta tha. bas chup chap use dekh rha tha table se uth kar jaate hue. bina kuchh kahe. bina is baat ki pushti kiye ki wo fir mujhse milna chahegi ya nhi.
wo jaa chuki thi. fir mudi aur wapas aayi.
aur mere bagal wali kursi par baith kar dheere se boli- kal meri dost ka janamdin hai madhuvan negis me shaam ke 7 bje. aa sako to aana. aur haa please ye red wali t-shirt pehan ke mat aana. black me jyada achchhe lagoge.aur bas wo chali gayi. maine bill chukane ke baad apna mobile dekha. ek ajeeb si khusbu aa rhi thi us fone se. shayad un 6 ghanto me wo fone uske rang me rang sa gya tha usi ki khusbu me bas mehka jaa rha tha. maine wo fone jeb me rakha aur wapas ghar aa gya. ghar aate hi hath muh dhoya aur fir papa ke saath wali kursi par jakar baithte hue bola bhabhi chai dena...
papa- khaana bhi yahi mangwa le. abhi fursat mili doctor ko ghar aane ki. kaha tha itni der?
kiske saath tha,.
mai ye sunkar bilkul ghabra sa gya. bhabhi ne baat sambhalte hue kaha -anand aapko maine 300 rs ka recharge karwane ke liye kahah tha lekin mere mobile me bas 250 rs aaye.
ye sunte hi papa ne kaha- paise khatm ho gye hai to mujhse maang le. bhabhi ke paise kyu leta hai?kaamchor. zindagi bhar nikamma hi rahega.

wo petrol khatm ho gya tha papa isliye bas 50 hi liye...- maine sar jhuka kar jawab diya.
chup kar jaa besharm kahi ka.
jaa jakar mere fone bhi recharge karwa de....
mai wahi muk khada rha is ummeed me ki shayad wo paise denge mujhe shayad is baar bhi kuchh kamai ho jaye...
tabhi achanak wo gusse me bole- bewakoof ab jayega bhi ya yahi khada rahega. papa ne zor se daant.te hue kaha.
maine sar ko jhukaye kaha- papa paise dijiyega tabhi to jaunga warna kaise .....
ja jakar meri jeb se nikal le. aur apne liye bhi 500 le lena petrol bharwa lena kal kahi jana hai mujhe. bike tu hi chalayega. pahle 500 rs wali baat sunkar meri to khushi ka thikana hi na rha par papa ke sath kah jana. namumkin. mai nhi jaa sakta.. par ab to koi chara bhi nhi tha
mai bazar gya aur recharge karwa kar yu hi sadko pe ghumta rha. fir petrol bharwaya aur wapas aa gya. saare rashte yahi sochta rha ki kya bahana banau. kaun samjhaye papa ko ki kal meri pehli date hai. mai bas bahane ki khoj me uljha ghar pahucha to dekha bhabhi bhaiya ke saath bahar kursi dale baithi hai. fir mujhe laga ki bhabhi hi kuchh kar sakti hai. mai unhe dekh kar bhi na dekhne ki koshish karte hue andar jane laga ki tabhi bhaiya ne mujhe aawaj di.

ANAND yaha aao.....
bhaiya mai papa ka fone dekh ke aata hu recharge hua ya nhi..
baad me dekh lena pahle yaha aao...
mai hatho me keyring ko ghumate ghumate waha pahucha. bhaiya ne puchha account me paise hai ya nhi..
sar ko jhukaye maine kaha- haa hai but wo to jaate waqt bike me petrol dalwane ke liye manjhle bhaiya ne diya the. kitne paise chahiye??
aur wo ladki kaun thi jisse baam puchh rha tha??
bhaiya shayad papa bula rhe hai ye kahte hue mai chup chap bachkar waha se nikal gya. fir maine bhabhi ko bulaya aur unse kaha ki- bhabhi kal papa ke saath manjhle bhaiya ko bhej do please. mai nhi jaa sakta kal mai dosto se milna jaa rha hu. bhabhi samjhao na papa ko.

abtak bhabhi ko shayad mere maksad ka pta chal gya tha.tabhi to unhone bhi thoda ithlate hue jawab diya... mai koshish to kar sakti hu par sirf tab jab mujhe ye pta ho ki janaab kis se milne jaa rhe hai??
jhat se maine jawab diya- bhabhi sumant hai na wo india aaya hua hai aur manoj bhi abhi giridih me hi hai...
hmmmmm to ye baat hai....
lekin suabh to aap unse mil sakte ho papa ko to dopahar me jaana hai...
mai aapka bag pack kar deti hu....aap so jaiye abhi subah jaldi uth ke dosto se mil lijiyega...and 12-1 baje tak papa ke saath chale jaiyega....
bhabhi ne badi berukhi se mera dil meri ummed todi aur bahar chali gayi...

lag rha tha maano khushiya mujhtak aane se pahle hi kisi mod pe mud gayi hai ya shayad unhone apna man badal liya hai. ek pal ko yu laga maano sab khatm ho gya hai. par shayad khatm hone ko kuchh tha bhi to nhi. mai jiska naam tak na jaanta tha uski khaatir papa se jid karna mujhe sahi nhi maloom pada. so mai chup chap so gya.
yaad nhi shayad bhabhi ne raat ke khaane ke liye aawaj di ho par jab aankh khuli to maujhe ehsaas hua ki bhukh lagi hai aur jaise hi maine darwaja khola to dekha bhabhi sofe pe baithi baithi kuchh likh rahi hai...
mai chup chap wash besin ki ore badha.
nak khol kar dekha to pani nhi aa rha tha.. tabhi bhabhi achanak se uthi aur jag me pani lekar aayi...
lijiye...muh dho lijiye..
gusse me unhone jag rakha aur chal padi...

bhabhi....
kya hai??? (jor se chilla kar kaha)
aap abhi tak jaag rhi hai...soyi nhi...
subah bhaiya ko duty pe jaana nhi hai kya??
maine dheemi aawaj me bat suru karte hue kaha

bhabhi- duty aapke bhaiya ki hai meri nhi..
bhabhi ke mud ko bhaap chuka tha mai. ye saara gussa bas isliye the ki bhaiya se unka jhagda shayad mujhe hi lekar hua hoga.

aapne khana kyu nhi khaya?? apni aawaj me jor daalte hue bhabhi ne puchha..
bas yu hi aankh lag gyi thi bhabhi..

fir bhabhi ne mere kandhe pe haath rakhte hue puchha??baat kya hai ANAND jee...
kyu naaraj ho mujhse?khaane se kya narajgi hai aap khana kha lo warna mai bhi nhi khaungi..

ye sunkar mujhe laga chal ab khaa hi leta hu...
fir maine aur bhabhi ne ek saath khana khaya..us waqt jis pyar se bhabhi mujhe niwala khila rhi thi lag rha maano mai apni maa ki god me baitha hu.. sab kuchh bhulkar maine khana khaya.
fir bhabhi ne kaha aap so jao..kal jaana hai aapko papa ke saath...

mai yahi dua karta hua so gya ki bas kal ka programm kisi bhi karan se cancel ho jaye.
mai subah soke jaga to dekha manjhle bhaiya kapde pehan rhe hai aur bhabhi unka bag pack kar rhi hai. bhabhi ko jab ye pta chala ki mai jaag chuka hu to unhone meri ore dekha aur muskurayi.. maine sone ka natak kiya aur aankhe band kar li.

thodi der baad bhaiya ne aawaj di ki apne bike ki chabhi de.. mai papa ko lekar jaa rha hu ab bahane banane ki koi jarurat nhi hai tujhe. jaag jaa.

bas itna sunkar mai to bas khushi se kudne laga.bhai ko chabhi di aur bas bhabhi ke paas gya.
ab ek aur jo kaam bacha tha wo to kapde chunne ka ki mai kya pahnu. ye tay karne ka ki paise kaha se lau? uske liye fool le jau to uski saheli ke liye kya tohfa le jau?

kaha khoye hai ANAND jee...

ye bhabhi ki hi aawaj thi jo ab shayad meri aakhiri madadgaar thi. maine unse kuchh na chhupate hue kaha ki mai kya karu jau ya na jau??
shayad bhabhi ko pta chal chuka tha ki mai uske sapno me khone laga hu...
bhabhi uthi aur andar chali gayi..
thodi der baad wo bhaiya ke saath aati hui dikhayi di to meri siti pitti gum ho gayi. mai dar ke mare kaapne laga. tabhi bhaiya ne 3000 rs mujhe dete hue kaha ki bhabhi ke sath jake kapde kharid le aur haa papa ke aane se pahle ghar aa jana warna aaj to mai bhi nhi bacha paunga...

bhaiya se ye sunkar mai to bada khush hua jaa rha andar hi andar.

aur haa(bhaiya ne ruk kar kaha)
uske bhai se koi lafda mat karna agar koi dikaat ho to town thana me call kar dena mai headquarter me hi rahunga.khud mat ulajh jana.
sar jhukakar maine kaha- jee bhaiya samajh gya.
bhaiya ke ghar se nikalte hi mai jaise hawa me udna chahta tha,par sabse pahle bhabhi ko gale se lagaya aur fir kaha- bhabhi u r great. u rock bhabhi...

ab aur kya tha bas jaise taise shaam dhali aur mai kale shirt n blue jeans me pahuch gya madhuban vegis. waha jakar dekha to bahut sare log the. bhara hua tha pura restaurent.shayad kisi bade baap ki beti hai wo.. ye soch kar jaise hi mai muda to achanak se wo mujhe upar ki ore aati dikhayi di. use dekhkar maine muskurana chaha par tabhi ye ehsaas hua ki shayad wo apne bhai ke saath ho..
ye sochkar mai chup rha. party ke suru hote hi uska saath aaya ladka use chhorkar chala gya. uske jaate hi wo mere paas aayi aur kehne lagi mai jaanti thi tum aaoge.
tum bolte bhi ho ya gunge ho??phone par to bade sher bane rahte ho... raubdaar aawaj aur aawaj me wo bhariapn ki koi bhi darr jaye..aur saamne aakar dekhe koi to pta chale khargosh jaisi shakal aur kabhi na tutne wali chuppi lekar baithe hai janaab.

ab mera naam puchhoge ya wo bhi bina puchhe hi bta du....
jee aapka naam SOUMYA hai..
maine madhim si aawaj me kaha..

ohhhh tu janaab ko naam pta chal gya...waah jee bada tej network hai aapka..

jee nhi wo aapke rumaal pe likha hai-- maine apni masoomiyat jatate hue kaha.
tum karte kya ho??rahte kaha ho?? --usne baat ko aage badhate hue puchha..

agar aapko koi dikkat na ho to kal kahi aur milte hai na waha sukoon se saari baate karenge,....

chance dhundh rahe ho??mai akele me kahi nahi milne wali..
aur haa mere bhai ko maine bta diya na to tu to gya..

ohh teriii aap to darati bhi hai.... maine khud ko thoda samhalte hue kaha...
to aapka mobile no mil sakta hai kya??agar aapke paas apna ho aur no jaanne ke liye aapke khadush bhai se na maangana pade to...

dabe hotho se has padi wo....
nahi wo to mai de sakti hu par ....
par kya??ab kya hua..maine badi utsukta se usse puchha.

tune mere bhai ko mere saamne khadush kaha...

ohhh m extremely soryy...ab nhi kahunga...- maine khud ke liye maafi maangte hue kaha

are nhi tune bilkul sahi kaha....wo bada khadush hai...
akele kahi bhi nhi jaane deta...
pta nhi use kya chhid hai mere se ki meri shadi jald se jald karwana chahta hai wo..

tab to bada achchha bhai hai.. maine uski baat ko kaat.te hue kaha

tujhe no chahiye ya nhi mera? usne mujhse thoda sa ithlate hue kaha..uska andaaj yu tha maano wo keh rhi ho ki agar meri marji ke khilaaf kaha to no nhi dungi ya fir wo soch rhi hogi ki ye budhhu no kyu nhi maang rha..

tab tak mujhe is baat ka ilm ho chuka tha ki wo bhi is rishte ko ek adad mukaam tak le jana chahti thi.

hmmmmm......... fir to kuchh sochna padega....

are pagal ye lo aur ab yaha se jao warna mera bhai aa jayega mujhe lene aur usne sath me dekh liya to mera ghar se nikalna muskil ho jayega...

usne ek tissue paper me likhkar apna no diya tha shayad mujhe... maine us paper ko waha padhna uchit nhi samjha. mai bina khaye waha se chup chap nikla aur apne dost se milne chala gya.

dosto se milkar mai party ki sari baate bhul chuka tha...mai fir unke sath naye pul par jakar baitha baate kar rha tha ki tabhi mere mobile pe ek call aaya...

hello kaun?? maine thodi kadak aawaj me kaha.

aap kaun?? saamne se kisi ladki ki aawaj aayi.

jee mai anand aap kaun hai??ye kahte huee mai apne dosto se thodi dur jakar khada hua.
duffer teri aawaj to bilkul change lag rhi thi- usne ye tay karte hue kaha ki fone ke is ore mai hi hu.
are wo dosto ke saath baitha tha mai.kuchh kaa rha tha. shayad isliye aawaj thodi badli badli lagi hogi tujhe. maine kuch na chhupate hue sab sach sach keh diya..
kaha pe ho?ghar kab jaoge?tere room me koi aur to nhi na rehta?mai raat ko misscall karungi..tum call karna..samajh gaye aur haa thoda bola karo bolne ke paise nhi lagte idiot.
mujhse bina koi jawab sune usne sab keh diya aur fone rakhte hue boli.. ab mai rakh rhi hu bye aur jaldi ghar jaao m waiting.....
bas itna kahte hue usne fone rakh diya. mai chupchap sochta rha ki usne itne haq se sab keh diya mano mai bas usi ka hu. mujhpe kisi aur ka koi haq hi nhi tha us waqt shayad maine bhi ye nhi socha ki jis ladki se mile hue bas 30 ghante hue hai mai use apna sabkuchh samarpit kar chuka hu.

mai bhi ab usse baat karne ko bechain hua jaa rha tha.uski aawaj ne na jaane kaisa jadu kiya tha mujhpar ki mai bhi bas usiki aawaj sunne ko dosto ki mehfil se bina kuchh bole chup chap nikal aaya. mai bhi kautuhalwas use aur achchhi tarah jaan lena chahta tha. ab mere paas bas 1 din aur 2 raate bachi thi,
mai ghar pahuchte hi sidha apne kamre me gya aur fone ko charge par lagate hue niche khane ko daud pada.bina hath muh dhoye mai khaane ke table pe baitha aur khaane par tut pda.

besharam... ek jaani pehchani aawaj aayi...
kya hua papa...khana hi to khaa rha hu...
doctor ban rahe ho kam se kam khana to hath dho ke khaa lete...
itni bhi tameej nahi aayi abtak besharam...pta nhi tujhse jiski shaadi hogi wo kitni badnaseeb hogi...
kaun byahega tujhse apni beti ko? kaam ka na kaaj ka dushman anaj ka....
ab hath muh dho ke aayega ya baitha rahega?

mai chup chap bina kuchh bole hath dhokar khana khaane laga.
sab khaamosh the. papa ne chuppi todte hue rakesh(manjhle)bhaiya se kaha- wo wakeel sahab ka fone aaya tha.apni beti ki shaadi tujhse karna chahte hai. agar pasand ho to mai tere bhaiya bhabhi ko bhej du baat tay karne ke liye.

bhaiya ne sharmate hue kaha- aaplog jaisa thik samjhe. mujhe koi dikkat nhi hai.

papa ko kahi fir koi bahana na mil jaye mujhe daatne ka isliye mai table se uth.te hue sidha apne kamre me gaya aur fone ke bajne ka intezaar karne laga.
waqt tham sa gaya tha. 10 min hi beete the ki papa aaye kamre me aur aakar puchha- paise hai ya chahiye? kal mai bank jaa rha hu transfer kar dunga.
maine dabi si aawaj me kaha ki a/c balance nil hai.
thik hai mai kal 10 hazar daal deta hu baki baad me daal dunga.
itna kehkar jaise hi wo gaye fone ki ghanti baj uthi.shayad unhone dhyan nhi diya is baat par.

hello. kaun??
saamne se soumya ne kaha- aur kis kis ka fone aata hai aapko itni raat ko. aur maine fone uthane se mana kiya tha na.ab chal call back kar.itna kahte hue fone kat kar diya.

maine wapas call kiya aur bas yu hi idhar udhar ki baate ki.
sab achchha lagne laga tha.akelepan se pyar sa ho gya tha 40 ghante me mujhe.25-30 min tak baate karne ke baad pata nahi kab mai so gya. aankh khuli to khud ko takiye se lipta paya. saamne baramde pe bhabhi kapde sukhne ke liye daal rahi thi. maine wapas aankhe band karte hue kaha - bhabhi kitne baj gaye??
abhi to bas 8 bje hai.1-2 ghante aur soya jaa sakta hai...

maine bistar se achanak utarte hue kaha 8 baj gaye!!!!!
ohhh shitt.. m dead bhabhi...

itna hi kahte hue maine kapde dale deo spray kiya and orbit chabate hue ghar se nikal pada.
use dekhne ke liye mai wapas usi jagah par jakar khada ho gya jaha maine pehli baar use dekha tha.
aaj bhi wo tution aayi maine use dekha aur vijayi hone ki bhawna ke saath ghar chala aaya. saare kaam khatm hone ke baad mai uske hi call ka wait kar rha tha tabhi achanak....
bhabhi ne kaha-- anand jee koi aapka intezaar kar rahi hai vaatika restaurent me.jaldi jaiye wo 1 bje pahuch jayegi. maine bhabhi se kuchh na kahte hue bike lee aur restaurent jakar bahar gate pe wait karne laga. tabhi usne call kiya aur kaha- andar aaoge ya bahar hi khana le aau tere liye...

maine kuchh bhi na kahte hue andar aaya aur uske saath wali kursi pe baith gya. usne bhi shayad yahi ummeed ki hogi mujhse. khana khaate hue humne kuchh baate ki. ab ye baat saaf thi ki dono ek dusre ke liye utne hi pagal hue jaa rahe the. par fir bhi usne kaha ki use thoda waqt chahiye is rishtey ko koi bhi naam dene se pahle.
ab shayad judai ka waqt tha. maine usse kaha ki kal mai wapas jamshedpur jaa rha hu. ab shayad 7-8 mahine baad hi wapas giridih aau..
sab kuchh bilkul shaant tha. maano sabko saap sungh gya ho...

maine chuppi todte hue kaha usse ki mai aksar phone karta rahunga tumhe pareshaan hone ki koi jarurat nahi hai...

shayad ye baat kafi nahi thi...
uski aankho me paani tha wo bas rone ko hi thi ki tabhi khud ko sambhalti hui boli..
JAMSHEDPUR TO BAGAL ME HI HAI HAR MAHINE AANA PADEGA...tujhe bina dekhe kaise rahungi...kya fayda in aankho ka jab bas teri aawaj hi sunni hai mujhe agle 8 mahino tak...mat na jao tum chhor ke..

mai niruttar maun khada raha uske aage. shayad mai apni hi chuppi me apne sawalo ka jawab dhundh rha tha...
sanshay ki aisi sthiti mere saamne kabhi nahi aayi thi. mera dil aur dimaag dono rukna chahte the par gharwale.. unko kya jawab dunga mai...

khaamoshi todte hue maine kaha- dekho shoumya mujhe jana to hoga. ab tum ro kar vida karogi to mujhe achchhe sapne nahi aayenge..has do ek baar shayad agle 8 mahine mai bhi hasta rahu...

itna kahte hi wo thoda sa muskurayi aur bas mai waha se nikal pada..
kadam bhaari hue jaa rahe the. char kadmo ka wo safar maano 4 janam se bhi jyada mushkil tha.

jab mai vicharo ke samandar se bahar nikla to kyal aaya ki ab saman bhi pack karna hai jaane ke liye.
bhabhi wakif thi meri halat se. unhone mera sara kaam kar diya. mujhe shayad samajhti thi wo tabhi to mere haal-e-dil ka andaja unhone laga liya tha. subah aankh khuli to bhaiya fresh ho chuke the.
ab meri baari thi taiyar hone ki. sab khatm hone par mai wapas apne bhai ke saath apne college ke liye nikal pada. aankhe nam thi gala rundh sa gya tha. na to bhabhi ko hi maine kuchh kaha aur na hi papa se kuchh baat ki.

college pahuch hi gya. jaise taise din beetne lage. kabhi fone par to kabhi chatting se hum dono baat karte rahte the. insab ke beech waqt gujarta gya. aur ek baar fir chhuttiyo ka din aa gya tha. meri to maano baanchhe hi khil gayi thi. apne hi bhai ke record ko todte hue mai is baar university topper bana tha. ab shayad mai sab kuchh haasil kar paane wali manahsthiti me tha.
socha tha ghar jakar papa ko sab bta hi du.baat ho jaye ek baar fir shadi 4-5 saal bhi ho to mai reh lunga. man bas daleele soch rha tha sabko manane ki..
inhi khyalo me khoya tha mai. tabhi achanak bhaiya aaye aur kaha ki saman pack ka le shaam 6 ki train hai. mai chup chap apne packed bags ki ore dekhne laga. ab bhi mai kahi na kahi unhi khyalo me khoya tha.
subah 5 baje hum apne giridih shehar me the. mujhe betaabi thi usse milne ki. shaam hui aur mai usse milne nikal pada. hum dono baithe the. use khana order kiya par wo na jaane kyu khana kaha hi nahi rahi thi. mere bahut puchhne par usne btaya ki uski shaadi tay ho gayi hai.aur sagai bhi ho chuki hai.
meri to duniya hi maano andhere me doob gayi. jo jo sapne maine dekhe the maano un sapno me se roshni hi hawa ho gayi ho.. bhavishya andhkaarmay lagne laga tha.

mujhe jayada dukh is baat ka tha ki wo mujhe itne dino ke baad bta rahi thi. badi saafgoyi se sab kuch mujhse chhupati rahi wo sirf isliye ki mere imtihaan achchhe se ho jaye. na jaane ye uska ehsaan tha mujhpar ya saja thi meri ki mai itne paas rahte hue bhi usse milna na aa saka.maine bina kuchh kaha waha se laut jana uchit samjha.
apni roti hui si shakal lekar mai ghar aaya. chup chap apne kamre me gya aur bag uthakar station chala gaya. bina kisi ko bataye mai wapas jamshedpur aa gya tha. abhi meri jindagi ke bas 20 saal hi beete the par yu lag rha tha maano har sapna toot gya hai . manjile kho gayi hai raasta ruth gya hai. bhabhi ne papa ko sab kuchh bta diya. mujhe kisi ne kuchh nahi kaha par tute dil ke tukde kuchh aise ja a chhubhe the dil-o-dimaag me ki dusre saal ki padhai me mai 3 subjects me fail ho gya. mai toot sa gya tha andar se. maansik taur pe mai behad akela pad gya tha. mere dosto ne kai baar samjhaya. bhaiya ne bhi bahut koshish ki par meri halat jas ki tas bani rahi. teesre saal ki suruat me clinicals suru hue the. mai hospital ke bahar khada chai pee rha tha tabhi ye ehsaas hua ki us bechari ko kitni takleef hogi ye jaankar ki usne ek itne kamjor shakhas se pyar kiya tha jo uske jaate hi toot ke aisa bikhra ki fir sambhal nahi paya.
ek bijli s kaundh gayi mere sharir me. mai waha se sidha kamre me gya. ab waqt aa gya tha ki sab kuchh thik kiya jaye. mai wapas apni rangat me aa gya tha par dil ab bhi usi ke naam tha.jindagi sanwarne lagi thi. bahar ka mausam tha har ore..kuch saalo me mai ek graduate ho gya aur fir apne clinic se kuchh aisa rishta joda ki fir kisi ki sudh na rahi. yaade mai aur meri dairy. bas itne me hi simat gayi thi duniya meri.ab shayad is duniya me logo ka aagman hona hai..kuchh naye rishtey ban.ne hai. tanhai ko ateet ka naam dena hai.

aankh khuli to ehsaas hua ki 4 ghante beet gaye hai. mai shayad gehri neend me chala gya tha. achanak fone ki ghanti baj uthi.
haa sona bolo kaisi ho(mai apne aansu ponchhte hue apni hone wali patni se baate karne laga.)


fone rakhkar mai bas apne clinic ki ore chal pada jaha se shoumya ki tasweere hatani thi. ek baat jo mujhe aaj bhi khaayi jaati hai wo ye ki us din ke baad shoumya ki koi kahabar nahi aayi na hi usne kabhi fone kiya. mana mujhe uska ghar maloom nahi par use to mera number pta tha. aisi bhi kya majburi rahi hogi uski. kis haal me hogi wo. jaha bhi ho wo uparwala use sukh shaanti de.

ab shayad mere liye bhi aage badhne ka waqt ho chala tha. maine kuchh zaruri kaam niptaye aur fir ghar chala aaya. sokar jaga to suraj sar par tha. 11 baj gaye the. baarat nikalne wali thi.
tabhi meri sona ka fone aaya..
ruansi si aawaj thi uski. ghabrayi hui thi wo. shayad muskil me thi aur use meri madad chahiye thi. usne mujhe meri hi shaadi rukwane me madad maangi. mai bhi achcmbhit tha ki meri hone wali patni mujhe meri hi shaadi rukwane ko keh rahi hai. maine usse wajah puchhi to pata chala ki wo kisi aur se pyar karti hai. mai gale tak vicharo me doob rha tha. ghutan ho rhi thi mujhe. mai apne hi kismat pe ro rha tha. maine failsa kiya aur chup chap apne documents passport lekar bag pack kiya. sumant ko fone lagaya saari baate batayi. thodi hi der me hum dono delhi ke liye nikal rahe hai. waha se GERMANY jaa rha hu mai bina kisi ko kuchh bataye. shayad yahi ek hal hai is samasya ka. meri kismat ruthi hai to ruthi rahe mujhe use manane ka koi shauk nahi hai. agar akelapan hi hai to wahi sahi. mai khush hu apni tanahyi me. kisi ke saath hokar tanha hone se behtar hai aap apni hi tanhiyo me mashgul rahe..
ALLA HAFIZ. ALWIDA.
KHUSH RAHIYE AABAD RAHIYE...
"KUMAR"

AABROO

agar aap ek ladki hai ya ek aurat hai to bas kahani suru karne se pahle mai aapse ek sawal puchhna chahunga. shayad thoda ajjeb lage aapko mera ye sawal par kahani padhte padhte aapko ye samajh aa jayega ki mera ye sawal kitna zayaz hai. chaliye in baato ko chhodiye.. mera sawal hai ki" aap ek aurat ke taur par kis ke saath apni puri zindagi bitana chahengi? ek aise pati ke saath jiske saamne aap kapdo me bhi khud ko nanga sa mehsus karti hai ya us aashiq ke saath jiske saamne aap nirwastra hokar bhi khud ko sar se lekar paaon tak dhaka hua hone ki bhaawana aati hai.

shayad aapka jawab hoga ki aap us aashiq ke saath jeena chahengi jo aapke antarman ko aapki bahari khubsuarti ke upar tawajjo deta ho.
mai apne hi hospital ke ICU me ek mareej ke sirhaane baitha uski kahani sun rha tha. us mareej ki daastaa shayad mujhe itni achhi lagi ki maine use kalamband karna jaruri samjha. kahani suru hoti hai mere shehar giridih se. bijli ki ladiyo se saja ek ghar,aur usi ghar me unchi aawaj me bajta sangeet kaano ko behra kiya jaa rha tha. har chehre pe khushi chhai hui thi. bachchhe tinku jiya ke gaane pe jee bhar kar naach rahe the.ghar ki saari aurte dulhe aur dulhan ki baate kiye jaa rhi thi. khushiyo ki imarat me kahi shayad ek chehre ki udaasi dafan thi. wo ek pawan pak ruh thi jo apni aseem udaasi ke baad bhi khushiyo ka lihaaf dale shayad sab ki khushiyo me khush hone ki koshish kar rhi thi. aur karti bhi kya wo. ek gunaah jo kar baithi thi wo. shayad uska gunaah bas itna tha ki ek ladki hone ki bawjud bhi wo pyar kar baithi.shayad use iska bhi haq nhi tha ki wo sapne dekhe. aaj uski shaadi thi. apne chehre pe khushi jhalkana uski majburi thi. ya fir shayad ye isliye jaruri tha ki baaki sablog udaas na ho jaye. kahi uski bidaai se pahle koi aansu na chhalak pade. kahi koi anhoni is shaadi ki khushi ko matam me naa badal de. insab baato ko soch ke hi shayad hi wo sab kuchh bhulne ka dikhawa kar rhi thi.
apne hatho me gehri rachi mehandi ko dekh kar wo bas yahi soch rhi thi ki ye gehra rang us shakhs ke bepanaah pyar ko dikhati hai jo use majdhaar me chhor gya ya fir ye bas itna kehti hai ki uska hone wala pati use itna pyar dega ki wo apne ateet ko kuchh palo me hi bhul jayegi. shayad ghar ke har ek sadasya ke liye waqt badi teji se beeta jaa rha tha par uske liye to maano shayad waqt tham sa gya tha. har sapna har khwab bas tut hi gya tha aur use itni bhi ijajat nhi di gayi thi ki wo un bikhre hue khwab ke tukdo ko samet kar ek nayi jindagi ki ruprekha taiyaar kar sake ya fir bas usse ubarne ki koshish kar sake.
waqt thamta to hai nhi to aaj kaise tham sakta tha. shaam ghiri aur raat bhi aayi. ab waqt tha use kisi aur ka hone jaane ke liye apne wajud apne attet ko bhulkar ek nayi suruat ki jo shayad use kabhi bhi manjur nhi tha.jaise taise shadi ho hi gayi. ab bas bidayi ki rashm baki thi. bas rashm hi to baaki thi asli bidaai to uski tab hi ho chuki thi jab uske gharwalo ne uska rishta ek aise shakhs se kar diya tha jise wo jaanti tak nhi thi.fut fut kar ro rhi thi wo. shayad bidaayi ke bahane wo apne dil me bhara gubaar nikal rahi thi. har wo dard jo uske dil me chhupa tha shayad use wo aansuo se nikaal dena chahti thi taki koi ranj koi gham na reh jaye.bidaayi ki bela bhi tal hi gayi. chhalakte nayno se usne shayad aakhiri baar dekha hoga apne us ghar ko jis ghar ki chhat pe khade hokar wo apne chahne wale ke uski gali se gujarne ka intezaar karti thi.us chaukhat ko bhi usne aakhiri baat dekha usne jispe khade hokar har shaam ko wo apne papa ke rasgulle lekar aane ka intezaar karti thi ya har subah apne bhai ke saath tution jaane ka.bas aakhiri baar wo jee bhar ke dekhna chahti thi taki in yaado ko apni jindagi me piro le. ab bas. shayad ab aur nhi dekh sakti thi wo in sab ko.ya yu keh le dekhna nhi chahti thi. aur dekhe bhi to kyu kar wo us makaan ko jiske bashindo ne use jeetejee marne ke liye kisi gair ke aangan me bhej diya.
jaise taise bahubhaat ki rashm bhi beet hi gayi. ab tak logo ki najro me do ruho ka do aatmao ka milan ho chuka tha aur ab baari thi shayad do jismo ke milne ki aur fir wo is bhautik sansaar ke liye bhi wo dono ek hone wale the. mayush ghabrayi si bechain si wo pahuch hi gayi us sej pe jo shayad usi ke liye sajayi gayi thi.
chup chap bistar pe baithe wo apne pati ka intezaar kar rahi thi. shayad in intezaar ke lamho me wo apne us pyar ko yaad kar rhi thi jo shayad uski jindagi ke sabse haseen lamhe the.in lamho ko wo chahkar bhi nhi bhul sakti thi.shayad usne ye pal bhi usi ke saath bitaane ki sochi hogi. na jaane kya kya sapne dekhe honge usne is pal ko lekar. ab sara khwab bas aankho me hi dafn hokar reh gaye the. usi ki yaado me khoyi thi wo ki sehsa darwaje pe dastak hui.
oye darwaja khol...so gayi kya saali...darwaja khol... sharab ke nashe me jhumte uske pati ne aawaj di..

jee abhi aayi...usne bistar se aahiste aahiste utarte hue kaha..
jaldi aati hai ya.....- itne me darwaja khula aur wo sharab ke nashe me apne mard hone ke gumaan ke saath kamre me aaya..
fir uske pati ne uske gaalo pe ek thappad jadte hue kaha- saali randi.tera yaar aaya tha kya kamre me jo darwaja band kar rakha tha.mere ghar me mujhe hi aane se rokti hai.teri maa ki...

wo bechaari chup chap sab sunti rahi.jin labo pe us ek shakhs ne kabhi udaasi ko apna ghar banane nhi diya tha aaj un labo pe aankhe aansu barsa rahi thi..jin gaalo pe shayad aajtak kisi ne laali ke alwa kuch nhi dekha tha aaj un galo pe kisi ki ungaliyo ke nisaan the. jaa jaakar almire se botal nikal la whishky ki.aur 4 glass bhi lana.

rajeev sagar pawan andar aao aaja aaj teri bhabhi ke hatho ke pag maarte hai...
jaa tu kya dekhti hai saali...jaati hai ya lagau do haath...- nashe me shayad us namard ki mardaangi aur uske dosto ka shahas pure charam par tha.uski namardagi ko sahne ke liye ek bebas laachar si ladki jo mil gayi thi use.
botle khuli pag bhi bane. JIN HATHO SE USNE AAJTAK KISI KO EK CUP CHAI TAK BANAKAR NA PILAYI AAJ UNHI HATHO SE SHARAB KO GLASS ME DALTE HUE WO BAS AANSUO KA GHUT PEEKAR REH GAYI. shayad yahi uski niyati thi. bechari kar bhi kya sakti thi jab khud uske bhai aur pita ne use ek aise aangan ki tulsi banakar bheja tha jaha mardangi ke nashe me chur mard apni hi aaurto ko apne dosto ke saamne be-aabro karte sharminda nhi hote the. sab nashe me chur the. tabhi uske dosto me se ek ne kaha- ABE SAMEER TERI BIWI TO BADI MAAL HAI YAAR. KYA MAST G***D HAI USKI.
si baat ko gaurvanvit hone ka mudda samajhte hue sameer bola- CHHU LE DEKHTA KYA HAI BHABHI HAI TERI TERA BHI HAQ BANTA HAI..
shayad ye sab uske bhai ya uske chahne wale ne suna hota to us sameer ki jabaan tod kar uske hathi me daal deta. par wo akeli aur kar bhi kya sakti thi siway chup chap ye sab sunne ke.
ye pal shayad uski jindagi ke sabse bure pal the. itni jillat to usne kabhi sahi nhi hogi. pine aur pilaane ka daur khatm hua to sameer nashe me chur ho chuka tha.jaate jaate uske saare dosto ne taktaki lagakar jis nigaah se dekha use us nigaah me use haiwaniyat ki boo aa rahi thi to wahi use khud ke ek naamard se byahe jaane pe dukh ho rha tha. na jaane kitna kosha hoga usne apni kismat ko us pal iska andaja shayad ek us jaisi badnasseb aurat hi laga sakti hai. saare dost jaa chuke the ab kamre bas 3 log the. sameer soumya aur sameer ki haiwaniyat.soumya shayad ab bas mar hi jaana chahti hogi. aane wale kuchh pal shayad uski jindagi ke sabse bure pal hone wale the. nashe me chur wo ek ek kar uske saare kapde utarta rha aur wo bina kisi awrodh ke sab sehti rahi.uske liye us paapi ke saamne kapde me rehna aur nirwastra rahne me koi antar hi nhi mehsus ho rha hoga. uske pati ke saamne kisi gair mard ne use kapdo me nanga dekha aur wo chuo chap sunta rha usse aur kya ummeed ki jaa sakti thi.wo chup chap bas yu hi har parde ko utarne deti rahi.thodi hi der me wo nirwastra bistar pe padi thi.bas aansu hi nikal rhe the uski aankho se. par shayad ab waqt aa chuka tha insaaf ka. use rota dekh shayad us namard ki nasheeli mardangi haiwaniyat ka rup leke jaag chuki thi. use rota dekh usne use fir se ek thappad lagaya.

saali kisi aur ka bistar garm karne ka sapna sajaye baithi thi kya jo mere niche aate tujhe rona aa rha hai randi saali.
SHAYAD ABHI USE YE RANDI SHABD BHI SAHI LAG RHA THA APNE LIYE.AAKHIR USNE APNA JISM APNI JAAN APNI RUH SAB USKE NAAM KAR DI THI JO USSE MILO DOOR BAITHA USKE SHADI KE GHAM ME AATH AATH AANSU BAHA RHA HOGA. JAB USNE APNA SAB KUCHH KISI AUR KO DE DIYA THA TO FIR AAJ USE IS GAALI SE BHI APNAPAN LAG RHA HOGA. JAB USKE CHAHNE WALE KE SIWA KISI AUR NE USE HATH LAGAYA THA TO SHAYAD USNE BHI KHUD KO KUCHH YAHI NAAM DIYA HOGA BAS FARK ITNA THA YE SAB SAMAJIK MARYADA TALE HO RHA THA.

SACH SACH BTA SAALI KIS KIS KA BISTAR GARAM KAR CHUKI HAI TU...
wo chup chap sab sunti rahi. ab shayad uska dhairya jawab de chuka tha.uska nischay ab pakka tha.usne apni jindagi ka anjaam tay kar liya tha. apne pyar ke liye wafadar na reh paane ki saja bhi mukamaaml kar li thi usne. uska nischay dridh tha aur uske man me bas ek baat thi ki wo bas usi ki hokar marr jana chahti jise usne man se apna maan liya tha. ab use kisi baat ka darr nhi tha na lok laaj ka aur na hi apne gharwalo ki ijjat ka. wo bas apni badhali pe muskura rhi thi. wo ab bas sada ke liye uski ho jaana chahti thi jise usne apna mana tha.bas usi ke rang me rang jaana chahti thi jiska har rang use bhaya tha.

nashe me chur uska pati ab bahar jaa chuka tha. usne darwaja band kiya. khud par thodi ki kerosene ki tel daali aur aag laga liya khud ko.

ye aag shayad use pavitra karne ke liye tha. har us apraadh se har us khataa ki saja thi jo shayad uski majburi thi.

thodi hi der me baat fail chuki thi aur aag bhi. jaise taise logo ne darwaja toda aur aag bujhayi. wo is kadar jal chuki thi ki use aanan fanan me najdeek ke behtareen aspatl me admitt karaya. aur 1-2 din ke ilaaj ke baad mai uske sirhaane baitha mai uski kahani sun rha tha.
wo ab bhi dard se karah rhi thi. aansuo se bheeg chuki thi meri rumaal par ab bhi aansu ruke nhi the.

tabhi achanak ecg ki machine se beep ki aawaj tej ho gayi. ab shayad uska antim waqt najdeek aa gya tha. wo ab bhi muskura rahi thi.uski yeh muskaan adwitiya thi. nischhal aur nirdwand.
thodi hi der me usne dam tod diya. par uski muskaan uski maut ke baad bhi jeewit thi.
mai chup chap uski bebasi pe afsos jata rha tha aur yahi soch rha tha ki mahashakti bante is desh me aurte ab bhi itni majboor thi.

na to mai uske pyar ko jaanta tha aur na hi uske gharwalo ko. mai bas duty khatm hone ka intezaar karne laga. ye sochte hue ki shayad kisi din fir yahi kahani sunne ko milegi mai reception pe gya aur signout karte hue apne car ki ore badh chala. ye dukhad ant shayad apni aabro ke bachaw ke sangharsh ki kahani bankar mere dil me hamesha rahega.
"KUMAR"

parichaya

na jaane ye kaisa rishta tha. kaisi ajeeb suruat thi is rishtey ki aur ant kaisa tha.

sardi ki khili dhup me mai apne ghar ke baagiche me kursi daale baitha bas yahi soch rha tha ki wo din bhi kitne haseen the. har pal bas hasi hoti thi labo pe aur in lamho ko yaad karke mai bhi khush hota tha. ye baat un dino ki hai jab mai jamshedpur me medical ki padhai kar rha tha. har din dosto ke saath masti. jeb me bhare paise aur har pal dimaag me paise mangane ka ek naya bahana jo rehta tha. aaj bhi 5-6 saalo baad jab mai un dino ko yaad karta hu to khush hi hota hu. par jaise hi yaado ki sui 2nd year ki ore mudti hai mai kuchh jyada hi nischhalta se muskurata hu.aur yaado ke teesri saal ki ore jaate hi na jaane kyu ye nayan aansuo se khud ko bhigo lete hai. itni jyada khubsurat bhi to nhi thi wo ki mai use bhul na pata par haa kuchh to khaas baat thi usme ki mai use bhulna nhi chahta tha. ek rishta jo shayad kismat ki marji thi aur jiska ant meri galtio ka nateeja. mujhe us.se doorie ki jo saja mili mai uska hakdaar tha par kya use bhi us khusi ka haq nhi tha, jo use taqdeer ne use kisi nirdayi ke ghar ki tulsi banakar bhej diya use saari umra uske jism ki pyas bujhane ke liye. aur jab bhi fone ki ghanti meri tandra toda karti thi mai bas yahi soch rha hota tha ki meri galtiyo ki saja wo kyu bhugat rhi hai. usne to koi gunaah nhi kiya tha par use iski saja kyu mili. shayad uska kasoor bas itna tha ki usne mujhe pyar kiya. ek aise shakhs se jise khwahish to puri duniya ki thi par wo parde ke pichhe chhupkar har manjar ko badalte dekhna chahta tha aur bas jeetna chahta tha har chij har shakhs ko.

"KUMAR- D MAZIC CNTNUES"